ZOUTI - Jesyon Sèvis

Kisa yon sèvis ye?

Yon sèvis se nenpòt sèvis yon biznis ofri e ki anrejistre sou sistèm nan. Pou egzanp, nan yon biznis multi-sèvis, ou ka jwenn sèvis enpresyon yon dokiman, ki se yon kalite sèvis. Lè ou anrejistre yon sèvis, ou dwe mete non sèvis la ansanm ak pri li.

Egzanp:

  • Sèvis: Enpresyon Dokiman
  • Pri: 5 goud

Lojik Anrejistreman Sèvis

Nan yon sistèm jesyon tankou ZOUTI, sèvis yo pa gen yon kantite reyèl oswa minimòm jan yon pwodwi ka genyen. Men, lè yon kliyan achte yon sèvis, sistèm nan ka bezwen pran an konsiderasyon yon kantite. Se konsa, chak sèvis dwe anrejistre nan fòm minimòm li.

Egzanp:
Si ou ap vann yon sèvis enpresyon dokiman epi chak paj enprime koute 5 goud, lè ou anrejistre sèvis la, ou mete l kòm " Enpresyon Paj" ak yon pri 5 goud.

Lè yon kliyan bezwen enprime 6 paj, ou va mete sèvis la nan sistèm nan epi chwazi kantite 6. Sistèm nan ap pran an kont kantite paj enprime yo epi kalkile pri total la.

Mezi Sèvis yo

Sèvis yo ka mezire tou, menm jan ak pwodwi yo. Ou ka itilize diferan mezur pou sèvis yo, tankou:

  • Enpresyon pou chak paj
  • Enpresyon an douzèn

Si ou fè enpresyon an douzèn, ou ka chwazi "Douzèn" kòm mezur epi sistèm nan ap kalkile kantite total ki koresponn ak kantite paj yo.

Egzanp:

  • Si ou chwazi "Douzèn", 1 douzèn enpresyon ap ekivalan ak 12 paj.
  • Si ou chwazi yon lòt mezur, tankou "Paj", li ap kalkile pri a pou chak paj.

Karakteristik ki dwe anrejistre pou yon Sèvis

Pou chak sèvis ou anrejistre nan sistèm nan, ou dwe presize:

  • Non Sèvis: Non espesifik sèvis la (egzanp: Enpresyon Dokiman)
  • Koleksyon: Kategori sèvis la fè pati
  • Kategori: Kalite sèvis la (egzanp: Sèvis Biwo, Sèvis Miltimedya)
  • Tags: Mo kle pou dekri sèvis la
  • Pri: Konbyen sèvis la ap koute
  • Kantite: Kantite sèvis ki vann (se sèlman lè kliyan achte)

Yon kòd idantifikasyon inik ap otomatikman pwodwi pou chak sèvis anrejistre.

Jesyon Kantite pou Sèvis

Lè ou vann yon sèvis, ou ap bezwen chwazi kantite sèvis la. Pa egzanp, si yon kliyan bezwen enprime 10 paj, ou pral antre kantite 10 pou sèvis "Enpresyon Paj" epi sistèm nan ap kalkile pri total la (10 * pri pou chak paj).

Remak:
Kantite yo pa nesesè pou anrejistreman sèvis, men yo nesesè pandan tranzaksyon vant lan.

Lòt Detay sou Jesyon Sèvis yo

Sistèm ZOUTI ba ou menm kapasite jere sèvis yo menm jan ak pwodwi yo, avèk opsyon tankou:

  • Kreye nouvo sèvis
  • Modifye sèvis
  • Efase sèvis
  • Sèvis kopi (pou sèvis ki sanble, ou ka kopi youn epi fè kèk ti chanjman)