ZOUTI - Jesyon Kreyans

Deskripsyon Jeneral

Modil Jesyon Kreyans nan ZOUTI pèmèt ou jere tout lajan konpayi an dwe bay founisè yo.
Li ofri kapasite pou:
Ajoute nouvo kreyans
Modifye oswa mete ajou detay kreyans yo
Suiv kreyans ak dat echèans yo
Peye kreyans epi anrejistre tranzaksyon yo
Jenere rapò sou lajan ou dwe founisè yo

Ajoute Yon Nouvo Kreyans

Aksè nan Modil Jesyon Kreyans

Ale nan meni prensipal la epi chwazi "Kreyans".
Klike sou "Ajoute Yon Nouvo Kreyans".

Ranpli Detay Kreyans la

Yon fòm ap parèt kote ou dwe ranpli detay sa yo:

Detay sou chak chan:

  • Founisè → Chwazi founisè ou dwe lajan an.
  • Deskripsyon → Bay detay sou poukisa ou dwe lajan sa (ex: Acha matyè premyè, sèvis livrezon, elatriye).
  • Montan Total Dèt → Antre kantite lajan ou dwe founisè a.
  • Dat Kreyans lan fèt → Mete dat ou te antre nan dèt sa.
  • Dat Echèans → Mete dènye jou ou dwe peye dèt la pou evite penalite.
  • Estati Peman → Chwazi Poko Peye, Pati Peye, oswa Totalman Peye selon sitiyasyon an.
  • Mode Peman → Chwazi fason ou planifye pou peye dèt sa (ex: Lajan Kach, Virement, Chèk, elatriye).
  • Nimewo Transaksyon → Si ou deja fè yon peman, mete referans la pou swiv li.
  • Remak → Ajoute nenpòt detay siplemantè sou kreyans lan.

Modifye oswa Efase Yon Kreyans

Ale nan lis kreyans yo.
Klike sou "Modifye" pou ajiste detay yo.
Klike sou "Efase" si ou bezwen retire yon kreyans ki pa valab.

Remak:

  • Ou pa ka efase yon kreyans si li deja gen yon peman asosye.
  • Ou ka mete li kòm "Peye" si li regle nèt.

Filtraj & Rechèch Kreyans

Pou fasilite rechèch ou, ou ka itilize filtè sa yo:
Rechèch pa non founisè
Filtre pa dat echèans
Filtre pa estati peman (Poko Peye, Pati Peye, Totalman Peye)

Pèman Kreyans

Lè ou pare pou peye yon kreyans:
Ale nan lis kreyans yo.
Chwazi kreyans ou vle peye.
Klike sou "Regle Kreyans" epi ranpli detay sa yo:

Klike sou "Konfime Peman".
Sistèm nan ap mete kreyans lan ajou, si li peye nèt li ap pase nan "Totalman Peye".

Finalizasyon

Lè w fin verifye tout detay yo, ou ka klike sou:
Ajoute → Pou mete nouvo kreyans anrejistre.
Modifye → Pou fè chanjman sou yon kreyans ki deja egziste.
Efase → Pou retire yon kreyans si li pa itil ankò.
Peye → Pou regle yon kreyans epi mete li ajou nan sistèm lan.

Nòt:

  • Tout kreyans nan sistèm lan ka modifye si yo poko peye nèt.
  • Kreyans ki deja peye pa ka efase, men ou ka wè tout istwa peman an.
  • Ou ka jere tout detay sou dèt konpayi an soti nan meni Jesyon Kreyans.