ZOUTI - Enstalasyon

ZOUTI se yon sistèm pwisan pou jesyon antrepriz ou, epi enstalasyon li fèt fasil ak etap pa etap. Gid sa a ap montre w ki jan pou enstale ZOUTI sou òdinatè ou, kit w ap itilize li an lokal oubyen sou entènèt.

Kontakte Ekip Devlopman

Pou kòmanse enstale ZOUTI, premye etap la se kontakte ekip devlopman an. Yo pral ba w aksè a lojisyèl an epi ede w mete l sou pye selon bezwen antrepriz ou. Ou ka kontakte nou atravè adrès imel, telefòn, oubyen fòmilè kontak sou sit entènèt nou an pou resevwa lojisyèl an.

Lansman Premye Fwa

Yon fwa ou gen aksè a lojisyèl an, ou ka lanse l sou òdinatè w. ZOUTI fèt pou travay nan nenpòt navigatè entènèt , swa ou deside kouri l lokalman (sou yon sèvè prive) oswa sou yon platfòm entènèt (sou yon sèvè anliy).

  • Ou ka sèvi ak nenpòt navigatè modèn tankou Chrome, Firefox, oswa Edge.
  • Lanse ZOUTI swa nan adrès lokal ou a oswa adrès sèvè anliy a, selon jan ou deside enstale l.

Premye Etap Enstalasyon

Lè w lanse lojisyèl an pou premye fwa, sistèm lan pral verifye otomatikman si l deja enstale. Nou itilize yon variab nan background lan pou kontwole si yon enstalasyon deja fèt. Si pa gen okenn enstalasyon anvan, lojisyèl an ap ouvri yon seri fenèt ki pral gid ou nan pwosesis enstalasyon an, etap apre etap.

Lè ou fin konfigire paramèt yo, sistèm lan pral kreye yon administratè prensipal (super-admin) ki ap gen aksè konplè sou sistèm nan. Nan etap sa a:

  • Ou pral resevwa yon imèl ak yon modpas.
  • Apre premye koneksyon an, ou ap gen opsyon pou modifye modpas la pou plis sekirite.

Sèl administratè prensipal la ap kapab modifye tout lòt wòl ak itilizatè yo nan sistèm lan. Li enpòtan pou w chwazi yon modpas ki difisil pou l pi an sekirite.

Premye Koneksyon

Lè enstalasyon an fini, aplikasyon an ap dirije w nan paj koneksyon an. Nan paj sa a, ou ap bezwen antre non itilizatè oswa imel ansanm ak modpas ou te kreye pandan pwosesis enstalasyon an.

  • Super-admin dwe fè premye login an avan tout lòt itilizatè ka gen aksè nan sistèm nan.
  • Apre super-admin konekte, li ka ajoute lòt itilizatè epi distribye wòl ak aksè pou yo.

Koneksyon Itilizatè ak Jesyon Sistèm

Apre ou fin kreye itilizatè yo ak wòl yo, chak itilizatè pral kapab konekte nan sistèm lan itilize non itilizatè yo oswa imel yo ansanm ak modpas yo.

  • Super-admin gen kontwòl total sou sistèm nan epi li ka kreye nouvo itilizatè, asiyen wòl, epi ajiste paramèt sistèm lan nenpòt lè.
  • Itilizatè òdinè yo ap gen aksè sèlman a modil ak fonksyonalite ke super-admin pèmèt yo itilize.

Fòmasyon ak Suivi

Nou rekòmande tout moun ki pral itilize ZOUTI suiv yon fòmasyon avèk ekip devlopman nou an. Nou ofri fòmasyon espesifik pou asire ke tout itilizatè yo byen metrize sistèm lan epi ka sèvi avè l efektivman.

Fòmasyon sa a vize antrepriz oswa moun ki responsab fonksyònman sistèm nan nan chak òganizasyon. Se yon etap kle pou asire ke sistèm lan byen entegre nan operasyon biznis ou a.

Konklizyon

Enstalasyon ZOUTI fasil epi senplifye pou asire ke biznis ou ka kòmanse jere operasyon yo vit san gwo difikilte. Swiv etap yo jan gid sa a montre w, epi si ou bezwen asistans plis, ekip devlopman nou an la pou ede ou atravè tout pwosesis la.